తెలంగాణా పాలి'ట్రిక్స్' - సీఎల్పీ భేటీని బాయ్‌కట్ చేసిన జగ్గారెడ్డి

Publish: Sun, 6 Mar 2022 (21:52 IST) Updated: Sun, 6 Mar 2022 (21:53 IST)

తెలంగాణ రాష్ట్రంలో కాంగ్రెస్ పార్టీ రాజకీయాలు రోజుకో విధంగా రసవత్తరంగా మారుతున్నాయి. ఒక్కో నేత అలకపాన్పునెక్కుతున్నారు. మొన్నటివరకు సీనియర్ నేత కోమటిరెడ్డి వెంకట్ రెడ్డి తిరుగుబాటు నేతగా ఉన్నారు. ఆయనను టీ పీసీసీ చీఫ్ రేవంత్ రెడ్డి బుజ్జగించారు. ఇపుడు ఆ పార్టీకి చెందిన మరో బలమైన నేతగా గుర్తింపు పొందిన ఎమ్మెల్యే జగ్గారెడ్డి అలకపాన్పునెక్కారు. ఆదివారం కాంగ్రెస్ సీఎల్పీ సమావేశం జరిరగింది. ఈ సమావేశాన్ని ఆయన బాయ్‌కట్ చేశారు. 

ఈ సందర్భంగా ఆయన మీడియాతో మాట్లాడుతూ, తనకు చేదు అనుభవం ఎదురైందన్నారు. తనను అవమానించేవాడు కాంగ్రెస్ పార్టీలో ఎవడూ లేదన్నారు. మెదక్ జిల్లాకు వెళితే పీసీసీ సమాచారం సమాచారం ఇవ్వలేదని ఆయన ఆరోపించారు. 

ఈ పద్దతి తనకు నచ్చలేదన్నారు. అందుకే సీఎల్పీ సమావేశానికి అంతరాయం కలగకూడదనే తాను సమావేశం నుంచి వెళ్లిపోతున్నట్టు చెప్పారు. ఈ సమావేశంలో అనేక విషయాలు మాట్లాడేందుకు వచ్చానని, కానీ పార్టీ విషయాలు మినహా ఇతర విషయాలు మాట్లాడకూడదని సీఎల్పీ నేత భట్టివిక్రమార్క చెప్పారని, అందుకే సీఎల్పీ సమావేశానికి గైర్హాజరవుతున్నట్టు చెప్పారు.