అకాడమిక్ క్యాలెండర్ విడుదల చేసిన తెలంగాణ ఇంటర్ బోర్డు
తెలంగాణ ఇంటర్ బోర్డు వచ్చే విద్యా సంవత్సరం అకాడమిక్ క్యాలెండర్ విడుదల చేసింది. 2022-23 విద్యాసంవత్సరంలో మొత్తం 221 పనిరోజులతో షెడ్యూల్ను ఇంటర్ బోర్డు ఖరారు చేసింది. జులై 1వ తేదీ నుంచి ఇంటర్ మొదటి సంవత్సరం క్లాసులు ప్రారంభించనున్నట్లు బోర్డు ప్రకటించింది.
జూన్ 15న రెండో సంవత్సరం క్లాసులు ప్రారంభంకానున్నట్లు తెలిపింది. అక్టోబరు 2-9వ తేదీ వరకు దసరా సెలవులు, వచ్చే ఏడాది జనవరి 13-15వ తేదీ వరకు సంక్రాంతి సెలవులు, ఫిబ్రవరి 6-13 మధ్య ప్రీ ఫైనల్స్ పరీక్షలు నిర్వహించనుంది.
ఫిబ్రవరి 20 నుంచి మార్చి 6 వరకు ఇంటర్ ప్రాక్టికల్స్, మార్చి 15 నుంచి ఏప్రిల్ 4 వరకు ఇంటర్మీడియెట్ వార్షిక పరీక్షలు, ఏప్రిల్ 1 నుంచి మే 31 వరకు వేసవి సెలవులు ఉండనున్నట్లు బోర్డు పేర్కొంది.
ఈ ఏడాది నిర్వహించనున్న కామన్ పీజీ ఎంట్రన్స్ టెస్ట్ 2022-23 నుంచి పలు మార్పులకు శ్రీకారం చుట్టారు.
గతంలో మాదిరిగానే ఈ ఏడాది సైతం కామన్ పీజీ ఎంట్రన్స్ టెస్టు నిర్వహణ బాధ్యతలు ఉస్మానియా యూనివర్సిటీకి అప్పగిస్తున్నట్లు ఉన్నత విద్యా మండలి పేర్కొంది. మే నెలాఖరుకల్లా టీఎస్ సీపీజీఈటీ 2022 నోటిఫికేషన్ చేయనున్నట్లు బోర్డు అధికారులు తెలిపారు.
Telangana Inter Academic Calendar released
తర్వాతి కథనం
