అల్లు అర్జున్ ఆవిష్క‌రించిన బ్రేక్ అవుట్ ట్రైల‌ర్‌

Publish: Mon, 29 Aug 2022 (16:34 IST) Updated: Mon, 29 Aug 2022 (16:38 IST)

Allu Arjun, Raja Gautham and others

బ్రహ్మానందం తనయుడు రాజా గౌతమ్ ప్రధాన పాత్రలో సుబ్బు చెరుకూరి దర్శకత్వంలో అనిల్ మోదుగ నిర్మిస్తున్న సర్వైవల్ థ్రిల్లర్ ' బ్రేక్ అవుట్'. బాల కృష్ణ కొండూరి, శ్రీనివాస్ వన్నియాకుల సహా నిర్మాతలు. తాజాగా ఐకాన్ స్టార్ అల్లు అర్జున్ ఈ చిత్రం ట్రైలర్ ని విడుదల చేశారు. వైవిధ్యమైన కథాంశం రూపొందిన ఈ చిత్రం మంచి విజయం సాధించాలని చిత్ర యూనిట్ కి బెస్ట్ విశేష్ అందించారు.

రెండు నిమిషాల నిడివి గల ఈ ట్రైలర్ ఆద్యంతం ఆసక్తికరంగా సాగింది. ట్రైలర్ లో ఈ చిత్ర కథాంశాన్ని చాలా ఇంటరెస్టింగా రివిల్ చేశాడు దర్శకుడు. హీరో అనుకోని పరిస్థితిలో వంటరిగా ఒక గ్యారేజ్ లో చిక్కుకుపోతాడు. అతనికి మోనో ఫోబియా అనే మానసిక రుగ్మత వుంటుంది. ఈ ఫోబియా వున్న వారికి వంటరిగా గడపడం అంటే తీవ్ర ఆందోళనకరంగా వుంటుంది. గ్యారేజ్ లో వంటరిగా చిక్కుకున్న హీరో అక్కడి నుండి బయటపడటానికి ఎలాంటి ప్రయత్నాలు చేశాడు ? మోనో ఫోబియాతో హీరో ఎలాంటి సవాళ్ళని ఎదురుకున్నాడనేది ట్రైలర్ లో బ్రిలియంట్ గా ప్రజంట్ చేశారు .

ట్రైలర్ లో రాజా గౌతమ్ ఫెర్ఫామెన్స్ టెర్రిఫిక్ గా వుంది. అతని లుక్, మేకోవర్ ఆకట్టుకున్నాయి. సాంకేతికంగా ట్రైలర్ ఉన్నతంగా వుంది. జోన్స్ రూపర్ట్ అందించిన నేపధ్య సంగీతం ట్రైలర్ మరో ఆకర్షణగా నిలిచింది. మోహన్ చారీ కెమరాపనితనం ఆకట్టుకుంది. ఈ ట్రైలర్ సినిమాపై మరింత క్యురియాసిటీని పెంచింది.  చిత్రం శ్రీను, కిరీటి, బాల కామేశ్వరి, ఆనంద చక్రపాణి ఈ చిత్రంలో ఇతర కీలకపాత్రలు పోహిస్తున్నారు.