మంచి స్క్రిప్ట్ దొరికితే ప్రభాస్‌తో కలిసి సినిమా చేస్తాను.. స్వీటీ
అనుష్క శెట్టి చివరిసారిగా నిశ్శబ్ధంలో కథానాయికగా కనిపించింది. స్వీటీ వెండితెరపై కనిపించి దాదాపు నాలుగేళ్లు కావస్తోంది. తాజాగా నవీన్ పొలిశెట్టి ప్రధాన పాత్రలో ఆమె నటించిన మిస్ శెట్టి మిస్టర్ పోలిశెట్టి సినిమా శుక్రవారం విడుదలైంది.
ఇటీవల అనుష్క శెట్టి తన చిత్రం మిస్ శెట్టి మిస్టర్ పోలిశెట్టి ప్రమోషన్‌లో భాగంగా తన బెస్ట్ ఫ్రెండ్ ప్రభాస్ గురించి మాట్లాడింది. ప్రభాస్-అనుష్కల కాంబినేషన్ సూపర్ హిట్ అయిన సంగతి తెలిసిందే. బిల్లా, మిర్చి, బాహుబలి 1, 2 చిత్రాల్లో కలిసి పనిచేశారు.
ఈ సినిమాలన్నీ విజయవంతమయ్యాయి. వీరిద్దరి మధ్య మంచి స్నేహం కూడా ఉంది. వీరిద్దరూ ప్రేమించుకుంటున్నారని, పెళ్లి చేసుకోబోతున్నారని గతంలో ఎన్ని కథనాలు వచ్చినా పట్టించుకోలేదు.
తాజాగా ప్రభాస్ గురించి అనుష్క శెట్టి మాట్లాడుతూ.. దాదాపు 15 ఏళ్లుగా ప్రభాస్ గురించి నాకు తెలుసు. ఇప్పుడు పెద్ద స్టార్ అయిపోయాడు. అయితే అప్పటికి ఇప్పుడు అలాగే ఉన్నాడు. అదే మంచి స్నేహం మా మధ్య కొనసాగుతుంది.
ప్రభాస్‌తో మరో సినిమా చేయడానికి సిద్ధంగా ఉన్నాను. అయితే దానికి మంచి స్క్రిప్ట్ ఉండాలి. వేచి చూస్తున్నా. మంచి స్క్రిప్ట్ దొరికితే తప్పకుండా ప్రభాస్‌తో మరో సినిమా చేస్తానని, మళ్లీ నటిస్తానని చెప్పింది.
