నా కుమార్తె పెళ్ళికి పవన్ ఎందుకు రాలేదంటే... నటుడు అలీ వివరణ
హాస్య నటుడు అలీ కుమార్తె పెళ్లి ఇటీవల హైదరాబాద్ నగరంలో అంగరంగ వైభవంగా జరిగింది. ఈ వివాహానికి అనేక మంది సినీ రాజకీయ ప్రముఖులు హాజరై నూతన వధూవరులను ఆశీర్వదించారు. వీరిలో మెగాస్టార్ చిరంజీవి దంపతులు కూడా ఉన్నారు. అయితే, పవర్ స్టార్, జనసేన పార్టీ అధినేత పవన్ కళ్యాణ్ మాత్రం హాజరుకాలేదు. దీనిపై పలు రకాలైన ఊహాగానాలు వినిపిస్తున్నాయి.
దీనికి కారణం పవన్ కళ్యాణ్‌కు అలీకి మధ్య ఎంతో అనుబంధం ఉంది. పవన్ ప్రతి సినిమాలో అలీకి ఖచ్చితంగా పాత్ర ఉండేది. అయితే, గత ఎన్నికల సమయంలో ఇద్దరికీ మధ్య గ్యాప్ వచ్చింది. వైకాపాలో అలీ చేరడంతో ఇద్దిర మధ్య గ్యాప్ నిజమేనని ప్రతి ఒక్కరూ భావించారు. తాజాగా అలీ ఇచ్చిన ఇంటర్వ్యూలో ఈ గ్యాప్‌పై క్లారిటీ ఇచ్చారు. తమ ఇద్దరి మధ్య గ్యాప్, వివాదం ఉన్నట్టు వస్తున్న వార్తల్లో ఎలాంటి నిజం లేదన్నారు. కొన్ని వెబ్‌సైట్స్ పనికట్టుకుని ఈ ప్రచారం చేశాయని మండిపడ్డారు.
ఇటీవల తన కుమార్తె వివాహానికి ఆహ్వానించడానికి పవన్ నటిస్తున్న సినిమా సెట్‌కు వెళ్లానని తాను వచ్చిన విషయం తెలుసుకుని ఆయన తన వద్దకు వచ్చారని అలీ చెప్పారు. అదేసమయంలో ఆయనను కలవడానికి వేరే వాళ్లు వచ్చినా వారిని వెయిట్ చేయించారని, ఆ సమయంలో తామిద్దరం దాదాపు 15 నిమిషాల పాటు మాట్లాడుకున్నామని, మేమిద్దం ఏం మాట్లాడుకున్నది ఆ వెబ్‌సైట్ వారికి తెలియదు కదా అంటూ అలీ ప్రశ్నించారు. వెబ్ సైట్ వ్యూస్ కోసం ఇలాంటి పుకార్లు పుటిస్తారని అలీ ఆరోపించారు.
