రెండోసారి తల్లి అయిన గోవా బ్యూటీ...
గోవా బ్యూటీ ఇలియానా రెండోసారి తల్లి అయింది. పండంటి మగబిడ్డకు జన్మనిచ్చింది. తన కుమారుడుకు కియానా రాఫె డోలన్ అనే పేరు పెట్టింది. ఈ నెల 19వ తేదీన మగబిడ్డకు జన్మనిచ్చినట్టు ఇలియానా చెప్పింది. ఇన్‌స్టాగ్రామ్ వేదికగా ఆమె తన అభిమానులతు ఈ శుభవార్తను పంచుకున్నారు. తన కుటుంబంలోకి వచ్చిన కొత్త సభ్యుడిని పరిచయం చేస్తూ ఆమె పెట్టిన పోస్ట్ ప్రస్తుతం నెట్టింట వైరల్ అయింది.
ఇలియానా తన ప్రియుడు మైఖేల్ డోలన్‌ను 2023 మే నెలలో వివాహం చేసుకున్న విషయం తెల్సిందే. ఈ జంటకు 2023 ఆగస్టులో మొదటి కుమారుడు కోవా ఫీనిక్స్ డోలన్ జన్మించాడు. ఇపుడు దాదాపు రెండేళ్ల తర్వాత వారి కుటుంబంలో మరో చిన్నారి అడుగుపెట్టాడు. అసక్తికరమైన విషయమేమిటంటే ఇలియానా తన రెండో గర్భం విషయాన్ని చాలా గోప్యంగా ఉంచారు.
మొదటి ప్రెగ్నెన్సీ సమయంలో బీబే బంప్ ఫోటోలను తరచుగా పంచుకున్న ఆమె ఈ సారి మాత్రం అలా చేయలేదు. కేవలం గత మే నెలలో బంప్ బడ్డిస్ అనే క్యాప్షన్‌తో తన బీబీ బంప్ ఫోటోను ఒక్కసారి మాత్రమే షేర్ చేసి గర్భవతి అనే విషయాన్ని సూచనప్రాయంగా తెలిపారు. ఆ తర్వాత నేరుగా బిడ్డ పుట్టిన శుభవార్తతోనే అభిమానులను ముందుకు వచ్చారు.
