టాక్‌తో నిమిత్తం లేకుండా కలెక్షన్లలో దుమ్మరేపుతున్న 'రాధేశ్యామ్'
ప్రభాస్ - పూజా హెగ్డే జంటగా నటించిన చిత్రం "రాధేశ్యామ్". రాధాకృష్ణకుమార్ దర్శకత్వం వహించగా, యూవీ క్రియేషన్స్ భారీ బడ్జెట్‌తో నిర్మించింది. ఈ నెల 11వ తేదీన విడుదలైన ఈ చిత్రం ప్రపంచ బాక్సాఫీస్‌ను షేక్ చేస్తుంది. తొలి రోజున ఏకంగా రూ.79 కోట్ల హైయ్యర్ గ్రాస్‌ను వసూలు చేసిన "రాధేశ్యామ్" రెండో రోజుకు ఇది రూ.119 కోట్లకు చేరుకుంది. మూడు రోజుల్లో రూ.151 కోట్లను క్రాస్ చేసింది.
నిజానికి ఈ చిత్రానికి మిశ్రమ స్పందన వచ్చింది. కానీ, టాక్‌తో నిమిత్తం లేకుండా కలెక్షన్లు మాత్రం దుమ్మురేపుతోంది. ప్రేమకీ విధికి మధ్య సంఘర్షణ నేపథ్యంలో సాగే ఈ సినిమా ప్రచార చిత్రాలు మరిన్ని అంచాలన్ని పెంచాయి. ప్రభాస్ సరసన పూజా హెగ్డే నటించగా, కృష్ణంరాజు ఓ కీలక పాత్రను పోషించారు. భారీ అంచనాల మధ్య విడుదలైన ఈ చిత్రం గత మూడు రోజుల్లో భారీ కలెక్షన్లను రాబట్టింది. ఒక్క తెలుగు రాష్ట్రాల్లోనేకాకుండా దేశ వ్యాప్తంగా, వరల్డ్ బాక్సాఫీస్ వద్ద కూడా దుమ్మురేపుతుంది.
కాగా, ఈ చిత్రంలో ప్రభాస్ విక్రమాదిత్య అనే హస్తసాముద్రికా నిపుణుడిగా నటించారు. రూ.300 కోట్ల బడ్జెట్‌తో తెరకెక్కించారు. రాజమౌళి ఈ చిత్రానికి వాయిస్ ఓవర్ ఇచ్చారు. జస్టిన్ ప్రభాకరన్ సంగీతం సమకూర్చగా, తమన్ బ్యాక్ గ్రౌండ్ సంగీతం అందించారు.
