"ఆర్ఆర్ఆర్"ను ప్రపంచమే మెచ్చింది.. ఇక ఆస్కార్ ఎందుకు? హీరో నిఖిల్
టాలీవుడ్ యంగ్ హీరో నిఖిల్ సిద్ధార్థ్.. ఇటీవల "కార్తికేయ-2" చిత్రంతో ప్రేక్షకుల ముందుకు వచ్చిన బ్లాక్ బస్టర్ విజయాన్ని తన ఖాతాలో వేసుకున్నారు. ఈ చిత్రం నిఖిల్‌కు కాసుల వర్షం కురిపించింది. ఈ నేపత్యంలో 2023 ఆస్కార్ అవార్డులకు "ఆర్ఆర్ఆర్" చిత్రం నామినేట్ అవుతుందని ప్రతి ఒక్కరూ భావించారు. కానీ, అది సాధ్యం కాలేదు.
ఈ అంశంపై నిఖిల్ సిద్ధార్థ్ స్పందించాడు. ప్రపంచం మెచ్చిన చిత్రం "ఆర్ఆర్ఆర్". ఇక ఆస్కార్ అవార్డు ఎందుకు అంటూ ప్రశ్నించారు. తనకు ఆస్కార్ అవార్డులపై పెద్ద ఆసక్తి లేదన్నారు. మంచి అభిప్రాయం కూడా లేదన్నారు. సినిమాలుక ప్రేక్షకుల నుంచి వచ్చే స్పందన ఆస్కార్ కంటే ఎక్కువ అని చెప్పారు. మనకు ఫిల్మ్ ఫేర్, జాతీయ అవార్డులు ఉన్నాయి. అలాంటప్పుడు ఆస్కార్ అవార్డులు మనకెందుకని నిఖిల్ ప్రశ్నించాడు.
ముఖ్యంగా, ఇటీవలి కాలంలో భారతీయ సినిమాలకు ప్రపంచ వ్యాప్తంగా ఆదరణ పెరిగిందన్నారు. తాను ఇటీవల స్పెయిన్‌కు వెళ్లినప్పుడు అక్కడ 'ఆర్ఆర్ఆర్' చూశానని.. ఈ సినిమా ఆడుతున్న థియేటర్లన్నీ ఫుల్‌గా ఉన్నాయని తెలిపారు. స్పెయిన్‌లోనే కాకుండా... సినిమా విడుదలైన అన్ని దేశాల్లో బ్రహ్మాండంగా ఆడుతోందని చెప్పారు. ఇంతకు మించి మనకు ఏం కావాలని... ఆస్కార్ మనకు అవసరమా? అని నిఖిల్ వ్యాఖ్యానించారు.
