సమంత నటించిన శాకుంతలం త్రీడీలో ఫిబ్రవరి 17న రాబోతున్నది
సమంత నటించిన శాకుంతలం ఫిబ్రవరి 17న రాబోతున్నట్లు చిత్ర యూనిట్ ప్రకటించింది. ఇందుకు సంభందించిన పోస్టర్ ను సోమవారం బయట పెట్టింది. ఈ ఏడాది భారతీయ చిత్రసీమలో భారీ అంచనాలున్న సినిమాల్లో శాకుంతలం ఒకటి. ఈ చిత్రంలో అలనాటి అందాల నటి సమంత టైటిల్ రోల్‌లో నటిస్తోంది. ఇండియన్ సినిమాలో ఎప్పటినుండో ఎపిక్ లవ్ స్టోరీల్లో ఒకటిగా దర్శకుడు గుణశేఖర్ ఈ చిత్రాన్ని అత్యంత ప్రతిష్టాత్మకంగా భారీ స్థాయిలో తెరకెక్కించారు.
కాళిదాసు రాసిన నాటకం ద్వారా తెలిసిన శకుంతల, ఆమె భర్త దుష్యంత ప్రేమ కథతో ఈ చిత్రం చిత్రీకరించబడింది. చిత్రీకరణ పూర్తి చేసుకున్న శకుంతలం ప్రస్తుతం పోస్ట్ ప్రొడక్షన్ దశలో ఉంది. ఇప్పటికే ఈ సినిమా ఫస్ట్ లుక్ పోస్టర్స్ తో అందరి మనసులకు చేరువైంది. ఇప్పుడు రిలీజ్ డేట్ అనౌన్స్ చేయడంతో మేకర్స్ ప్రేక్షకులను ఫిదా చేశారు. భారీ స్థాయిలో రూపొందిన ఈ చిత్రం ఫిబ్రవరి 17, 2023న ప్రపంచ వ్యాప్తంగా విడుదల కానుంది.
ఈ చిత్రంలో మోహన్ బాబు, ప్రకాష్ రాజ్, గౌతమి, అదితి బాలన్, అనన్య నాగళ్ల కీలక పాత్రలు పోషిస్తున్నారు. దిల్‌రాజు సమర్పణలో నీలిమ గుణ నిర్మించారు. శ్రీ వెంకటేశ్వర క్రియేషన్స్ సహకారంతో గుణ టీమ్‌వర్క్స్ బ్యానర్‌పై ఈ చిత్రం చేయబడింది, ఈ చిత్రానికి మణిశర్మ సంగీతం అందించారు.
ఆ అద్భుతాన్ని అందరూ చవిచూసేలా త్రీడీలో ఈ సినిమా విడుదల కానుంది. తెలుగు, తమిళం, మలయాళం, కన్నడ, హిందీ భాషల్లో ఫిబ్రవరి 17, 2023న విడుదల చేయడానికి షెడ్యూల్ చేయబడింది. గుణశేఖర్ రచన, దర్శకత్వం వహించారు. సాయిమాధవ్ బుర్రా ఈ చిత్రానికి డైలాగ్స్ రాశారు. శేఖర్ వి జోసెఫ్ సినిమాటోగ్రాఫర్, ప్రవీణ్ పూడి ఎడిటర్.
