షూటింగ్‌లో గాయపడిన సంయుక్త హెగ్డే
నిఖిల్ హీరోగా తెరకెక్కిన్న 'కిరాక్ పార్టీ' చిత్రంతో తెలుగు ప్రేక్షకులకు పరిచయమైంది కన్నడ భామ సంయుక్త హెగ్డే. ప్రస్తుతం ఆమె షూటింగ్‌లో గాయాలపాలైంది. ప్రస్తుతం ఆమె 'క్రీమ్' అనే చిత్రంలో నటిస్తుంది. ఈ చిత్రం షూటింగ్‌లో భాగంగా ఓ యాక్షన్ సీన్ చిత్రీకరిస్తున్న సమయంలో ఈమెకు గాయాలైనట్లు తెలుస్తోంది. ఆమె ఎలా గాయపడింది? అనే విషయాన్ని తెలుపడానికి ఓ వీడియోను కూడా చిత్ర బృందం రిలీజ్ చేసింది.
ఓ ఫైటర్‌ను ఎగిరి తన్నుతున్న క్రమంలో ఈమె బ్యాలెన్స్ తప్పి కిందపడింది. కుడికాలు సరిగ్గా లాండ్ కాకపోవడం వల్ల బలమైన గాయమైనట్లు స్పష్టమవుతుంది. దీంతో కొద్దిరోజుల పాటు షూటింగ్‌కు దూరం కానుంది.
'కిరాక్ పార్టీ' తో పాటు ఈమె 'కాలేజ్ కుమార్' అనే చిత్రంలో కూడా నటించి మెప్పించింది. మొన్నామధ్య 'ఆహా'లో రిలీజ్ అయిన తమిళ డబ్బింగ్ సినిమా 'మన్మథ లీలై'లో కూడా నటించింది. ఇప్పటివరకు ఈమె తెలుగు, తమిళ, కన్నడ భాషల్లో కలుపుకుని 12కి పైగా సినిమాల్లో నటించింది.
అలాగే బిగ్ బాస్ వంటి టీవీ షోలలో కూడా పాల్గొంది ఈ నటి. 'కిరాక్ పార్టీ' (కన్నడ) చిత్రానికి గాను బెస్ట్ సపోర్టింగ్ యాక్ట్రెస్‌గా ఫిలింఫేర్ అవార్డుని కూడా అందుకుంది. ఇక సంయుక్త షూటింగ్‌లో గాయపడిన వీడియో ప్రస్తుతం సోషల్ మీడియాలో వైరల్ అవుతుంది.
