స్టూడెంట్‌గా, సీఈవోగా, రైతుగా ఓవర్.. ఆర్మీ మేజర్‌గా టాలీవుడ్ ప్రిన్స్
టాలీవుడ్‌లో వరుస విజయాలతో దూసుకుపోతున్న దర్శకుడు అనిల్ రావిపూడి తాజాగా మహేష్ బాబు నటించే 26వ చిత్రానికి దర్శకత్వం వహించే ఛాన్స్ కొట్టేశాడు. ఈ చిత్రం నేడు గ్రాండ్‌గా లాంచ్ అయ్యింది.
సరిలేరు నీకెవ్వరు అనే టైటిల్‌తో తెరకెక్కనున్న ఈ చిత్రంలో మహేష్ సరసమ రష్మిక మందన్న హీరోయిన్‌గా నటించనుంది. దేవీ శ్రీ ప్రసాద్ సంగీతం అందిస్తున్నాడు.
ప్రముఖ నటుడు జగపతి బాబు ఇందులో ప్రముఖ పాత్ర పోషిస్తున్నాడు. అయితే లేడీ సూపర్‌స్టార్ విజయశాంతి 13 సంవత్సరాల గ్యాప్ తర్వాత మళ్లీ ఈ చిత్రంలో నటించేందుకు ఒప్పుకున్నారు. ఈ చిత్రంలో ఈ పాత్ర కీలకంగా ఉండనుందట.
ఈ చిత్రంలో మహేష్ బాబు ఆర్మీ మేజర్‌గా నటించనున్నాడు. వచ్చే ఏడాది సంక్రాంతికి విడుద‌ల కానున్న ఈ చిత్రం ప్రేక్ష‌కుల‌కి మంచి వినోదం అందించ‌డం ఖాయం అని చిత్ర యూనిట్ అంటోంది. లాంఛ‌నంగా ప్రారంభ‌మైన ఈ చిత్రం పూజా కార్య‌క్ర‌మానికి రాఘ‌వేంద్ర రావు, దిల్ రాజు, అనీల్ సుంక‌ర, జెమిని కిర‌ణ్ త‌దిత‌రులు హాజ‌ర‌య్యారు.
