పురాణ యుద్ధ ఎపిసోడ్ కు 8 కోట్లు వెచ్చిస్తున్న స్వయంభు నిర్మాత
నిఖిల్ హీరోగా నటిస్తోన్న తాజా చిత్రం స్వయంభు. భరత్‌ కృష్ణమాచారి దర్శకత్వం వహిస్తున్నారు. సంయుక్త మీనన్, నబా నటేష్ నాయికలుగా నటిస్తున్నారు. ఇటీవలే యుద్ధ ఎపిసోడ్ లో నబా పాల్గొన్నారు. హిస్టారికల్‌ సబ్జెక్ట్‌ తో తెరకెక్కుతోన్న ఈ మూవీలో శత్రువులను చీల్చి చెండాడే యుద్ద వీరుడిగా నిఖిల్ కనిపించబోతున్నారు.
లేటెస్ట్ అప్ డేట్ ఏమంటే, స్వయంభు బృందం ఒక పురాణ యుద్ధ ఎపిసోడ్‌ను భారీ స్థాయిలో చిత్రీకరిస్తోంది. ఇందుకోసం 8 కోట్లు వెచ్చిస్తున్నదని చిత్ర యూనిట్ ఓ ప్రకటనలో పేర్కొంది.
12 రోజుల పాటు జరగనున్న ఈ షెడ్యూల్‌ను భారీ బడ్జెట్‌తో చిత్రీకరిస్తున్నారు. యాక్షన్ మరియు స్టంట్స్‌లో నిఖిల్ పరాక్రమాన్ని చూపుతుంది. ఈ సీక్వెన్స్ పెద్ద స్క్రీన్‌లపై అద్భుతంగా ఉంటుందని చిత్ర యూనిట్ చెబుతోంది. కార్తికేయ సీక్వెల్ తర్వాత నిఖిల్ ఆచితూచి చేస్తున్న చిత్రమిది. ఠాగూర్ మధు, భువన్ సాగర్ నిర్మిస్తున్న ఈ చిత్రం పిక్సెల్ స్టూడియో బేనర్ లో రూపొందుతోంది.
