సినిమాలంటే అమితమైన ప్రేమ .. చిత్రపురి కాలనీలో గృహాలు : మంత్రి కోమటిరెడ్డి
తనకు సినిమాలంటే అమితమైన ప్రేమ అని తెలంగాణ రాష్ట్ర సినిమాటోగ్రఫీ మంత్రి కోమటిరెడ్డి వెంకట్ రెడ్డి అన్నారు. తెలంగాణ ఫిల్మ్ చాంబర్ ఆఫ్ కామర్స్ నూతన కమిటీ ప్రమాణ స్వీకారోత్సవ కార్యక్రమలో ఆయన ముఖ్య అతిథిగా పాల్గొన్నారు. ఈ సందర్భంగా ఆయన మాట్లాడుతూ, అర్హులైన సినీ పరిశ్రమ కార్మికులకు హైదరాబాద్‌ చిత్రపురి కాలనీలో ఇళ్లు ఇప్పిస్తామని ఈ సందర్భంగా ఆయన హామీ ఇచ్చారు.
అలాగే, చిన్న సినిమాలు తీసే నిర్మాతలు థియేటర్లు ఇప్పించే బాధ్యత తనదని చెప్పారు. తనకు సినిమాల అంటే చాలా ఇష్టమన్నారు. రాష్ట్రంలో ప్రతిభావంతులైన ఆర్టిస్టులు, డైరెక్టర్లు, నిర్మాతలు ఉన్నారన్నారు. వారిని ప్రభుత్వం ప్రోత్సహిస్తుందన్నారు. పాన్ ఇండియా సినిమాలు తీసే సత్తా తెలంగాణ వారికీ ఉందన్నారు. స్థానిక టాలెంట్‌ను అందరూ సపోర్ట్‌ చేయాల్సిన అవసరం ఉందన్నారు. ఇక చిత్రపురి కాలనీలో ఇళ్ల స్థలాలు ఇచ్చిన తర్వాతే తనకు సన్మానం చేయాలని మంత్రి కోమటిరెడ్డి వెంకట రెడ్డి ఫిల్మ్ చాంబర్ ప్రతినిధులను సూచించారు.
