సింహం నోట్లో చేయి పెట్టిన వ్యక్తి.. ఆ తర్వాత ఏం జరిగింది?
జమైకాలో జరిగిన ఈ ఘటనకి సంబంధించిన వీడియో చూస్తే.. యంగ్ టైగర్ ఎన్టీఆర్ నటించిన యమదొంగ సినిమా డైలాగ్ గుర్తుకు రాక మానదు. వివరాల్లోకి వెళితే.. జమైకాలోని సెయింట్ ఎలిజబెత్‌లో ఉన్న జూలో రెండు వారాల క్రితం ఈ ఘటన చోటుచేసుకుంది. ప్రస్తుతం వీడియో నెట్టింట వైరల్ అవుతోంది.
బోనులో ఉన్న సింహాన్ని జూ కీపర్ ఒక్కసారిగా రెచ్చగొట్టాడు. దాని నోట్లో వేళ్లు పెట్టి కెలికాడు. పదే పదే దానిని టీజ్ చేశాడు. తీవ్ర ఆగ్రహానికి గురైన ఆ సింహం.. అతడి వేలును హఠాత్తుగా నోటిలోకి లాక్కుంది. అక్కడ వీడియోలు తీసుకుంటున్న పర్యాటకులు ఇదంతా జోకేమో అనుకున్నారు.
కానీ, ఆ జూ కీపర్ మాత్రం వేలిని వదిలించుకోవడానికి విశ్వ ప్రయత్నమే చేశాడు. కానీ వేలిని బలంగా లాగడంతో ఆ వ్యక్తి వేలు తెగిపోయింది. ప్రాణపాయ స్థితి నుంచి తప్పించుకున్నాడు. ప్రస్తుతం సోషల్‌ మీడియాలో ఈ వీడియో వైరల్‌గా మారింది.
