కాంతివంతమైన చర్మం కోసం... ఇలా చేస్తే...
సహజసిద్ధమైన ఫేస్ ప్యాక్‌లతో చర్మం సరికొత్త మెరుపుని పొందుతుందంటున్నారు నిపుణులు. ముడతలతో మృదుత్వాన్ని కొల్పోతున్న చర్మం అందంగా ఉండాలంటే.... మనకు సహజసిద్ధంగా లభించే కొన్ని పదార్థాలతోనే మనం ఇంట్లోనే కొన్ని రకాల ఫేస్ ప్యాక్‌లను తయారుచేసుకోవచ్చు. అవేమిటో చూద్దాం.
1. ముందుగా రెండు టీస్పూన్లు రోజ్ వాటర్‌ని తీసుకుని దానికి అర టీస్పూను తేనె వేసి బాగా కలపుకోవాలి. ఆ ముశ్రమాన్ని ముఖానికి పట్టించి రెండు నిమిషముల తరువాత మెత్తని క్లాత్‌తో శుభ్రం చేసుకోవాలి. ఇలా చేయడం వలన చర్మం మృదువుగా ఉంటుంది.
2. ఒక గుడ్డు తెల్ల సొన, ఒక టీ స్పూను పంచదార తీసుకుని బాగా కలుపుకుని ఇంచుమించు అయిదు నిమిషాల పాటు మర్దనా చేయాలి. తరువాత చల్లని నీళ్లతో ముఖాన్ని శుభ్రం చేసుకుని ఆవిరి పట్టించుకోవాలి.
3. ఒక టీ స్పూను శనగపిండి, రెండు టీ స్పూన్ల వేప చిగిరు గుజ్జు, కొద్దిగా పసుపు, అర టీ స్పూను గడ్డ పెరుగు ఒక గిన్నెలోకి తీసుకుని బాగా కలుపుకోవాలి. ఇప్పుడు ఆ మిశ్రమాన్ని ముఖానికి అప్లై చేసుకుని ఇరవై నిమిషముల పాటు ఆరనివ్వాలి. తరువాత గోరువెచ్చని నీళ్లతో ముఖం శుభ్రం చేసుకోవాలి. ఇలా వారానికి రెండు లేదా మూడుసార్లు చేయడం వలన మృదుత్వం కొల్పోతున్న చర్మం కోమలత్వాన్ని పొందుతుంది.
