వంటింటి చిట్కాలు : ఉప్మా దించేముందు గడ్డ పెరుగును కలిపితే?
కేకు చేసే మిశ్రమంలో అరకప్పు ఆరెంజ్ జ్యూస్ చేర్చితే.. కేక్‌లను మృదువుగా తయారు చేసుకోవచ్చు. అలాగే పాలు మరిగించిన పాత్రలో చపాతీ పిండిని సిద్ధం చేసుకుంటే చపాతీలు మృదువుగా వుంటాయి. నూనె చేర్చాల్సిన పనివుండ
కేకు చేసే మిశ్రమంలో అరకప్పు ఆరెంజ్ జ్యూస్ చేర్చితే.. కేక్‌లను మృదువుగా తయారు చేసుకోవచ్చు. అలాగే పాలు మరిగించిన పాత్రలో చపాతీ పిండిని సిద్ధం చేసుకుంటే చపాతీలు మృదువుగా వుంటాయి. నూనె చేర్చాల్సిన పనివుండదు. అలాగే నెయ్యి కాచిన పాత్రలో రసం, వడియాలు వేయించిన బాణలిలో పులుసు చేసుకుంటే రుచి అదిరిపోతుంది.
టమోటా సూప్ తయారు చేసిన వెంటనే అర గంటలోపు తీసుకోవాలి. చాలాసేపటికి తర్వాత తీసుకోకూడదు. అందులో ఆమ్లాలు చేరిపోతాయి. అలా ఆమ్లాలు చేరకుండా వుండాలంటే.. గోరువెచ్చగా వున్నప్పుడే సూప్‌తో చిటికెడు వంట సోడాను కలిపి వుంచాలి.
అలాగే రవ్వతో ఉప్మా తయారు చేశాక.. దించేందుకు ముందు పావు కప్పు గడ్డ పెరుగును చేర్చితే ఉప్మా టేస్ట్ అదిరిపోతుంది. పుల్లటి పెరుగును వృధా చేయకుండా ఒక కప్పు పెరుగులో, ఒక కప్పు రవ్వ, అల్లం తరుగు, ఉల్లి తరుగు, కొత్తిమీర చేర్చి ఐదు నిమిషాల పాటు నానబెట్టి వడల్లా చేసుకోవచ్చు.
క్యారెట్, బీట్ రూట్ తరుగును సమపాళ్లలో తీసుకుని నెయ్యి చేర్చి, బెల్లం కలిపి హల్వాలా చేసుకుని తింటే విటమిన్లు, ఐరన్ పుష్కలంగా లభించినట్లవుతుంది. టీ-పొడి కాసేపు ఎండలో వుంచి టీ తయారు చేస్తే రుచి పెరుగుతుంది. రెండోసారి బియ్యం కడిగిన నీటిలో కంది పప్పును ఉడికించి సాంబార్ చేస్తే రుచిగా వుంటుంది.
