మీరాబాయికి మణిపూర్ ప్రభుత్వం బంపర్ ఆఫర్, ఏంటది?
భారత వెయిట్ లిఫ్టర్ మీరాబాయి చాను టోక్యో ఒలింపిక్స్ 2020లో రజత పతకం సాధించి దేశాన్ని గర్వపడేట్లు చేసారు. టోక్యోలో భారత అగ్రశ్రేణి పోటీదారులలో ఒకరైన చాను, ఒలింపిక్స్ చరిత్రలో పతకం సాధించిన రెండవ భారతీయ వెయిట్ లిఫ్టర్‌గా నిలిచారు. సిడ్నీ గేమ్స్‌లో 69 కిలోల కేటగిరీ - వెయిట్ లిఫ్టింగులో మొదటిసారి మహిళల విభాగంలో పతకాన్ని సాధించారు.
సోమవారం ఆమె స్వదేశానికి తిరిగి వచ్చారు. మీడియా రిపోర్టుల ప్రకారం ఆమెకి పోలీసు విభాగంలో అదనపు పోలీసు సూపరింటెండెంట్(క్రీడలు)గా నియమించాలని మణిపూర్ ప్రభుత్వం నిర్ణయించింది. "పోలీసు విభాగంలో ఒలింపిక్ సిల్వర్ మెడలిస్ట్ మీరాబాయి చానును అదనపు పోలీసు సూపరింటెండెంట్ (స్పోర్ట్స్) గా నియమించాలని మణిపూర్ ప్రభుత్వం నిర్ణయించిందని ముఖ్యమంత్రి సెక్రటేరియట్, ఇంఫాల్" అని ట్వీట్‌లో ఎఎన్ఐ తెలిపింది.
టోక్యోలో తన చారిత్రాత్మక ప్రదర్శన నేపధ్యంలో మణిపూర్ ముఖ్యమంత్రి ఆమెకి కోటి రూపాయలు ఇవ్వనున్నట్లు ప్రకటించిన సంగతి తెలిసిందే.
