దివంగత పునీత్ రాజ్‌కుమార్ మామ గుండెపోటుతో మృతి
కన్నడ సూపర్ స్టార్ పునీత్ రాజ్‌కుమార్ ఇటీవల గుండెపోటుతో హఠాన్మరణం చెందారు. ఈ విషాదం నుంచి ఆయన కుటుంబ సభ్యులు ఇంకా కోలుకోలేదు. ముఖ్యంగా, పునీత్ మామ (భార్య తండ్రి) రేవనాథ్ తీవ్ర ఒత్తిడికి లోనయ్యారు. పునీత్ మృతి తర్వాత ఆయన అనారోగ్యానికి గురయ్యారు. ఈ క్రమంలో ఆయనకు గుండెపోటురావడంతో కన్నుమూశారు. ఆయనకు వయసు 78 యేళ్లు.
గుండెపోటు వచ్చిన రేవనాథ్‌ను బెంగుళూరులోని ఎంఎంస్ రామయ్య ఆస్పత్రికి తరలించారు. అయితే, అప్పటికే ఆయన చనిపోయారని వైద్యులు నిర్ధారించారు. ఆయన మృతితో కుటుంబ సభ్యులు తీవ్ర విషాదంలో మునిగిపోయారు.
ఇటీవలే భర్తను కోల్పోయిన పుట్టెడు దుఃఖంలో ఉన్న పునీత్ కుమార్ భార్య అశ్విని ఇపుడు తనకు అండగా ఉంటాడని భావించిన తండ్రి కూడా దూరం కావడంతో ఆమెను మరింత కుంగదీసింది. ఆమె పరిస్థితని చూసి ప్రతి ఒక్కరూ తీవ్ర ఆవేదన చెందుతున్నారు.
