శుక్రవారం, 29 మార్చి 2024
  1. క్రీడలు
  2. ఇతర క్రీడలు
  3. వార్తలు
Written By ఠాగూర్
Last Updated : శుక్రవారం, 3 జనవరి 2020 (13:42 IST)

నా చెడు తిరుగుళ్ళతో మీకు పనేంటి : మీడియాకు జ్వాలా గుత్తా ప్రశ్న

గుత్తా జ్వాలా.. ఓ బ్యాడ్మింటన్ క్రీడాకారిణి. గత కొంతకాలంగా ఫామ్ లేనికారణంగా ఆటకు దూరంగా ఉంటోంది. అదేసమయంలో ఈ అమ్మడు పలు వివాదాలకు కేంద్ర బిందువుగా మారింది కూడా. తాజాగా భార్యకు విడాకులు ఇచ్చి ఒంటరిగా తమిళ హీరో విష్ణు విశాల్‌తో డేటింగ్ చేస్తున్నట్టు వార్తలు గుప్పుమన్నాయి. వీటిని నిజం చేసేలా ఇటీవల అతనితో ముద్దుల్లో మునిగిపోయివున్న ఫోటోలు లీక్ అయ్యాయి. పైగా, ఈ ఫోటోలు సోషల్ మీడియాలో వైరల్ అయ్యాయి. 
 
ఇపుడు ఈ ఫోటోలపై గుత్తా జ్వాలా స్పందించింది. గురువారం రంగారెడ్డి జిల్లా, మొయినాబాద్‌‌లో ఏర్పాటు చేసిన స్పోర్ట్స్‌ అకాడమీ అధికారిక వెబ్‌‌సైట్‌‌ను తెలంగాణ మంత్రి కేటీఆర్‌ ప్రారంభించగా, అదేకార్యక్రమంలో జ్వాలా కూడా హాజరైంది. ఈ సందర్భంగా ఆమె మీడియాతో మాట్లాడుతూ, తన వ్యక్తిగత విషయాలపై మీకు ఎందుకు అంతఅక్కరంటూ ప్రశ్నించింది. పైగా తమమధ్య ఉన్న బంధం వ్యక్తిగతమని చెప్పుకొచ్చింది. దానిపై మీరు ప్రశ్నలు వేయొద్దు అంటూ చిర్రుబుర్రులాడింది. 
 
ఇండియాకు చాంపియన్‌‌లను అందించాలనే లక్ష్యంతోనే తాను అకాడమీని స్థాపించానని చెప్పిన జ్వాల, సువిశాలమైన ప్రాంతంలో, అత్యున్నత ప్రమాణాలతో 14 బ్యాడ్మింటన్‌ కోర్టులను ఏర్పాటు చేశామని వెల్లడించింది. నిపుణులైన విదేశీ కోచ్‌‌లు, ఫిజియోథెరపిస్టుల సేవలు అందుబాటులో ఉంటాయని చెప్పుకొచ్చింది. ఈ క్రీడాప్రాంగణ ప్రారంభోత్సవ కార్యక్రమం సంగతి ఏమోగానీ.. గుత్తాజ్వాలా విష్ణు విశాల్‌ ఏకాంత ఫోటోలు మాత్రం ఇపుడు వైరల్ అయ్యాయి.