క్యాప్సికం రైస్ తయారీ విధానం....

క్యాప్సికంలో విటమిన్స్, క్యాల్షియం, మెగ్నిషియం, ప్రోటీన్స్, పొటాషియం ఎక్కువగా ఉంటాయి. క్యాప్సికం ఆరోగ్యానికి మంచి ఉపశమనం కలిగిస్తుంది. మరి ఇటువంటి క్యాప్సికంతో రైస్ ఎలా తయారుచేయాలో చూద్దాం.

Kowsalya| Last Updated: శనివారం, 30 జూన్ 2018 (15:00 IST)
క్యాప్సికంలో విటమిన్స్, క్యాల్షియం, మెగ్నిషియం, ప్రోటీన్స్, పొటాషియం ఎక్కువగా ఉంటాయి. క్యాప్సికం ఆరోగ్యానికి మంచి ఉపశమనం కలిగిస్తుంది. మరి ఇటువంటి క్యాప్సికంతో రైస్ ఎలా తయారుచేయాలో చూద్దాం. 
 
కావలసిన పదార్థాలు:
బియ్యం - ఒకటిన్నర కప్పు 
క్యాప్సికం - 2 
నూనె - సరిపడా 
టమోటా - 1 
ఉల్లిపాయ తరుగు - అరకప్పు 
పచ్చిమిర్చి - 4 
అల్లం వెల్లుల్లి పేస్టు - 1 స్పూన్
దనియాల పొడి - 1 స్పూన్
పసుపు - చిటికెడు
ఉప్పు - రుచికి తగినంత 
కారం - 1 స్పూన్
పనీర్‌ క్యూబ్స్‌ - 1 కప్పు 
కొత్తిమీర - అలంకరణకు
లవంగాలు - 4 
యాలకులు - 4
దాల్చిన చెక్క - అంగుళం ముక్క
షాజీరా - అర స్పూన్
 
తయారీ విధానం:
ముందుగా బియ్యం కడిగి పొడి పొడిగా అన్నం వండి చల్లారనివ్వాలి. బాణలిలో నూనెను పోసి అందులో మసాల దినుసులు, ఉల్లి తరుగు, పచ్చిమిర్చి, అల్లం వెల్లుల్లి పేస్ట్ ఒకటి తర్వాత ఒకటి బాగ వేగించాలి. ఆ తరువాత కారం, ఉప్పు, పసుపు, దనియాల పొడి కూడా వేగించి ఆ మిశ్రమంలో టమోటా పనీర్‌ ముక్కలు వేసి మూతపెట్టాలి. 2 నిమిషాల తరువాత ఆ మిశ్రమంలో క్యాప్సికం ముక్కలు వేసి కలుపుకోవాలి. క్యాప్సికం రంగు మారకుండానే అన్నం కలిపి స్టౌవ్‌పైన 4 నిమిషాలు పాటు అలానే ఉంచాలి. చివరగా కొత్తిమీరతో అలంకరించాలి. అంతే క్యాప్సికం రైస్ రెడీ.



దీనిపై మరింత చదవండి :