పైసా ఖర్చు పెట్టకుండా చర్మ సౌందర్య రక్షణ ఎలా?

ఈ ఆధునిక ప్రపంచంలో అందాన్ని కాపాడుకోవటం కోసం మనం ఎన్నో ప్రయత్నాలు చేస్తున్నాం. మార్కెట్లో దొరికే ఎన్నోవస్తువుల్నివాడటం కోసం ఎంతో ఖర్చు చేస్తుంటాం. అయితే, పైసా ఖర్చు పెట్టకుండానే మన ఇంట్లోనే ఖర్చు లేకుండా మన అందాన్ని కాపాడుకునేవి ఎన్నో ఉన్నాయి. ఇవి ఎంతో సహజమైనవి, ఆరోగ్యానికి, చర్మానికి హాని కలిగించనివి కావడం గమనార్హం. ఖర్చు లేకుండా మీ చర్మ రక్షణ కై ఈ సూత్రాలు పాటించండి.

రెండు టీ స్పూన్ల గోధుమ పిండిలో తగినన్ని పాలు పోసి, ఈ మిశ్రమాన్ని ముఖానికి పట్టించి, వేళ్లతో మృదువుగా రుద్దాలి. తర్వాత చల్లని నీటితో శుభ్రపరుచుకోవాలి. టీ స్పూన్ పెసరపిండి, కొన్నిబాదంపప్పులు రాత్రి నీళ్లలో నానబెట్టాలి. ఉదయాన్నే వీటిని పేస్ట్ చేసి, ముఖానికి ప్యాక్ వేసుకోవాలి. అర్థ గంట తర్వాత గోరువెచ్చని నీటితో శుభ్రపరుచుకోవాలి. చర్మం మృదువుగా అవుతుంది.

కీరా, టీ స్పూన్ నిమ్మరసం, గుడ్డులోని పచ్చసొన కలిపి పేస్ట్ చేయాలి. ఈ మిశ్రమాన్ని ముఖానికి పట్టించి, ఎండిన తర్వాత శుభ్రపరుచుకోవాలి. చర్మం మృదువుగా, కాంతివంతంగా తయారవుతుంది. మీ ముఖాన్ని ముందుగా శుభ్రం చేసుకుని  కోడిగుడ్డులోని తెల్ల సొనని ముఖానికి పట్టించి 15 నిమిషాల తర్వాత చల్లని నీటితో శుభ్రం చేసుకోవాలి. కీరా దోసకాయని తీసుకుని అర కప్పు పెరుగులో కలిపి 5-10 నిమిషాలు ముఖానికి పట్టించి చల్లని నీటితో శుభ్రం చేసుకుంటే ఎన్నో సత్ఫలితాలు పొందవచ్చు.