శుక్రవారం, 29 మార్చి 2024
  1. వార్తలు
  2. తెలుగు వార్తలు
  3. జాతీయ వార్తలు
Written By ఠాగూర్
Last Updated : శుక్రవారం, 10 మార్చి 2023 (11:31 IST)

బొట్టు ఎందుకు పెట్టుకోలేదు.. నీ భర్త జీవించేవున్నాడుగా.. మహిళకు బీజేపీ ఎంపీ ప్రశ్న

bjp flags
అంతర్జాతీయ మహిళా దినోత్సవం రోజున ఓ మహిళ పట్ల బీజేపీ ఎంపీ అనుచిత వ్యాఖ్యలు చేశారు. బొట్టు ఎందుకు పెట్టుకోలేదని ఆయన ప్రశ్నించారు. పైగా, నీ భర్త బతికే ఉన్నాడుగా అంటూ వ్యాఖ్యానించడం వివాదాస్పదమైంది. ఎంపీ చేసిన అనుచిత వ్యాఖ్యాలు చేశారు. బొట్టు ఎందుకు పెట్టుకోలేదని ప్రశ్నించారు. ఈ వ్యాఖ్యలను విపక్షాలు తీవ్రంగా తప్పుబట్టారు. మహిళా దినోత్సవం నాడు ఇలాంటి వ్యాఖ్యలుచేయడం ఏమింటని.
 
కర్ణాటకలోని కోలార్‌ జిల్లాలో షాపింగ్‌ మార్కెట్‌ను భాజపా ఎంపీ మునిస్వామి ప్రారంభించారు. ఈ సందర్భంగా మార్కెట్‌లోని దుకాణాలను పరిశీలిస్తున్న ఆయన ఓ వస్త్ర దుకాణంలోని మహిళను చూసి 'నీ పేరేంటి? నువ్వు బొట్టు ఎందుకు పెట్టుకోలేదు? నీ స్టాల్‌కు వైష్ణవి అని పేరు పెట్టి, బొట్టు ఎందుకు పెట్టుకోలేదు? నీ భర్త బతికే ఉన్నాడా?' అని ప్రశ్నించారు. 
 
ఈ సంభాషణను మొత్తం అక్కడున్న వారు వీడియో తీసి సామాజిక మాధ్యమాల్లో పోస్ట్‌ చేయడంతో అది కాస్తా వైరల్‌గా మారింది. ఈ వీడియోను కర్ణాటక కాంగ్రెస్‌ ట్విటర్‌ ఖాతాలో షేర్‌ చేస్తూ.. భాజపా మహిళా వ్యతిరేక విధానానికి ఇది నిదర్శనం. వారి వేషధారణ ఎలా ఉండాలని చెప్పే హక్కు భాజపా ఎక్కడిది? మహిళాదినోత్సవం రోజున ఆడవాళ్లను అవమానిస్తారా? అని ప్రశ్నిస్తూ ట్వీట్ చేసింది.