Maharshtra: ఎంబీబీఎస్ స్టూడెంట్‌పై సామూహిక అత్యాచారం.. జ్యూస్ ఇచ్చి ఫ్లాటులో?
మహారాష్ట్రలోని సాంగ్లి జిల్లాలో థర్డ్ ఇయర్ ఎంబీబీఎస్ చదువుతున్న ఒక విద్యార్థినిపై ఆమె ఇద్దరు క్లాస్‌మేట్స్, వారి స్నేహితులలో ఒకరు మద్యం తాగించి సామూహిక అత్యాచారానికి పాల్పడ్డారని పోలీసులు తెలిపారు. పూణే, సోలాపూర్, సాంగ్లికి చెందిన ముగ్గురు నిందితులను పోలీసులు అరెస్టు చేశారు. కోర్టు వారిని మే 27 వరకు పోలీసు కస్టడీకి పంపినట్లు ఒక అధికారి తెలిపారు.
22 ఏళ్ల వైద్య విద్యార్థిని మే 18న రాత్రి 10 గంటల ప్రాంతంలో థియేటర్‌లో సినిమా చూద్దామని తీసుకెళ్లారు. దానికి ముందు, నిందితుడు ఆమెను కొద్దిసేపు ఫ్లాట్‌కు తీసుకెళ్లాడు. మద్యం మత్తులో ఉన్న నిందితులు ఆమెకు స్పైక్డ్ డ్రింక్ ఇచ్చారని, మద్యం సేవించిన తర్వాత ఆమెకు తల తిరిగిందని బాధితురాలు పోలీసులకు తెలిపింది. 20 నుంచి 22 ఏళ్ల మధ్య వయసున్న ఈ ముగ్గురూ ఆమెపై లైంగిక దాడికి పాల్పడ్డారని, దాని గురించి చెబితే తీవ్ర పరిణామాలుంటాయని బెదిరించారని అధికారి తెలిపారు.
కర్ణాటకలోని బెలగావికి చెందిన బాధితురాలు తరువాత ఈ సంఘటనను తన తల్లిదండ్రులకు వివరించగా, వారు విశ్రాంబాగ్ పోలీస్ స్టేషన్‌ను ఆశ్రయించారు. నిందితులపై సామూహిక అత్యాచారం, ఇతర అభియోగాల కింద భారతీయ న్యాయ సంహిత సెక్షన్ల కింద కేసు నమోదు చేశారు. తదుపరి దర్యాప్తు జరుగుతోందని ఆయన అన్నారు.
